خواب میں ایک مکاں دیکھا تھا
خواب میں ایک مکاں دیکھا تھا
پھر نہ کھڑکی تھی نہ دروازہ تھا
سونے رستے پہ سر شام کوئی
گھر کی یادوں میں گھرا بیٹھا تھا
لوگ کہتے ہیں کہ مجھ سا تھا کوئی
وہ جو بچوں کی طرح رویا تھا
رات تھی اور کوئی ساتھ نہ تھا
چاند بھی دور کھڑا ہنستا تھا
ایک میلا سا لگا تھا دل میں
میں اکیلا ہی پھرا کرتا تھا
ایسا ہنگامہ نہ تھا جنگل میں
شہر میں آئے تو ڈر لگتا تھا
غم کے دریا میں تری یادوں کا
اک جزیرہ سا ابھر آیا تھا
کون آیا تھا مکاں میں علویؔ
کس نے دروازہ ابھی کھولا تھا
محمد علوی 
(536) ووٹ وصول ہوئے
KHwab Mein Ek Makan Dekha Tha In Urdu By Famous Poet Mohammad Alvi. KHwab Mein Ek Makan Dekha Tha is written by Mohammad Alvi. Enjoy reading KHwab Mein Ek Makan Dekha Tha Poem on Inspiration for Students, Youth, Girls and Boys by Mohammad Alvi. Free Dowlonad KHwab Mein Ek Makan Dekha Tha by Mohammad Alvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends