Pahla KHuda
andhera tha
chaaron taraf maut
manDla rahi thi
nigahon mein
mayusiyan bas gai thin
dilon mein
kai KHauf ghar kar gae the
to us waqt
hum ne
nihayat aqidat se
pahle KHuda ko pukara
wo pahla KHuda jis ne hum ko
andheron se bahar nikala
ujalon ki neamat ata ki
magar hum use bhul baiThe
kahan hai
wo pahla KHuda ab kahan hai
chalo us ko DhunDen
hamein phir
zarurat hai pahle KHuda ki
Mohammad Alvi 
(473) Peoples Rate This