Khilaune
motor dauD lagati hai
chhuk chhuk gaDi aati hai
top se aag nikalti hai
plane mein batti jalti hai
guDiya aanhken kholti hai
aage pichhe Dolti hai
murghi anDe deti hai
chiDiya dane leti hai
kutta baja sunta hai
unT khaDa sar dhunta hai
bandar band bajata hai
hathi sunD nachata hai
bhaalu daru pita hai
gae ke upar chita hai
sare khilaune hain lekin
ye sab sachche lagte hain
aur khilaune jaise to
apne bachche lagte hain
Mohammad Alvi 
(554) Peoples Rate This