Janam Din
sal mein ek bar aata hai
aate hi mujh se kahta hai
kaise ho
achchhe to ho
lao is baat pe cake khilao
raat ke khane mein kya hai
aur kaho kya chalta hai
phir idhar udhar ki baaten karta rahta hai
phir ghaDi dekh ke kahta hai
achchha to main jata hun
pyare ab main
ek sal ke baad aaunga
cake bana ke rakhna
sath mein machhli bhi khaunga
aur chala jata hai!
us se mil kar
thoDi der maza aata hai!
lekin phir main sochta hun
KHas maza to tab aaega
jab wo aa kar
mujh ko DhunDhta rah jaega!!
Mohammad Alvi 
(953) Peoples Rate This