UThi Kuchh Aise Badan Ki KHushbu
uThi kuchh aise badan ki KHushbu
simaT gai pairahan ki KHushbu
sahar hui to ajab ada se
kali mein utri kiran ki KHushbu
hawaon se dosti na karna
luTa na dena chaman ki KHushbu
maze uDaoge hijraton ke
liye phiroge watan ki KHushbu
andheri raaton mein dekh lena
dikhai degi badan ki KHushbu
ye kaun 'alwi' chala gaya hai
sameT kar anjuman ki KHushbu
Mohammad Alvi 
(637) Peoples Rate This