Sabhi Tare Sabhi Jugnu Mere
sabhi tare sabhi jugnu mere
ab aur aanchal hai aur aansu mere
kya hikayat-e-shab-o-roz kahun
zehn mein hain ruKH-o-gesu mere
qaid kar le koi aainon mein
aks bikhre hue har-su mere
kash aisa ho ki titli ban kar
hath aa jae wo KHushbu mere
sab ki aankhon mein uDanen hain meri
kis ne dekhe par-o-bazu mere
ek masum sa chehra ai 'mauj'
kar gaya zehn pe jadu mere
Mohammad Ali Mauj 
(601) Peoples Rate This