فتنہ زا فکر ہر اک دل سے نکال اچھا ہے
فتنہ زا فکر ہر اک دل سے نکال اچھا ہے
آئے گر حسن خیال اس کو سنبھال اچھا ہے
میرے احساس خودی پر نہ کوئی زد آئے
تو جو دے دے مجھے بے حرف سوال اچھا ہے
آپ مانیں نہ برا گر تو کہوں اے ناصح
صاحب قال سے تو صاحب حال اچھا ہے
بے خیالی نہ رہے خام خیالی سے بچو
دل میں بس جائے جو ان کا ہی خیال اچھا ہے
تیرے رخ پر ہو مسرت تو مرا دل مسرور
تیرے چہرے پہ نہ ہو گرد ملال اچھا ہے
پرسش غم بھی نہیں نیز ملاقات نہیں
آپ کو ہم سے غریبوں کا خیال اچھا ہے
کوئی کہتا ہے مبارک ہو تجھے دور فراق
میں سمجھتا ہوں مگر روز وصال اچھا ہے
ملک گیری کی ہوس میں ہو تو فتنہ خود ہی
اور فتنہ کو مٹائے تو قتال اچھا ہے
بے نیاز غم عقبیٰ جو نظرؔ تجھ کو کرے
آل و اولاد وہ اچھی نہ وہ مال اچھا ہے
محمد عبد الحمید صدیقی نظر لکھنوی 
(509) ووٹ وصول ہوئے
Fitna-za Fikr Har Ek Dil Se Nikal Achchha Hai In Urdu By Famous Poet Mohammad Abdul Hameed Siddiqi Nazar Lakhnawi. Fitna-za Fikr Har Ek Dil Se Nikal Achchha Hai is written by Mohammad Abdul Hameed Siddiqi Nazar Lakhnawi. Enjoy reading Fitna-za Fikr Har Ek Dil Se Nikal Achchha Hai Poem on Inspiration for Students, Youth, Girls and Boys by Mohammad Abdul Hameed Siddiqi Nazar Lakhnawi. Free Dowlonad Fitna-za Fikr Har Ek Dil Se Nikal Achchha Hai by Mohammad Abdul Hameed Siddiqi Nazar Lakhnawi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends