Tarab Ka Rang RuKH-e-gul Pe Aashkar Aaya
tarab ka rang ruKH-e-gul pe aashkar aaya
kali si khil gai junhi wo gul-ezar aaya
taDap ke jaan nikal jaegi abhi sayyaad
na kahiyo bagh mein phir mausam-e-bahaar aaya
mila main KHak mein mar mar ke aah par to bhi
na be-qarari-e-dil ke tain qarar aaya
meri wafa pe tujhe rose shak tha ai zalim
ye sar ye tegh hai le ab to e'tibar aaya
ye shauq dekho pas-e-marg bhi 'tajalli' ne
kafan mein khol din aankhen suna jo yar aaya
Miyan Haji Tajalli 
(483) Peoples Rate This