ہوئے عازم ملک عدم جو ہوسؔ تو خوشی یہ ہوئی تھی کہ غم سے چھٹے
ہوئے عازم ملک عدم جو ہوسؔ تو خوشی یہ ہوئی تھی کہ غم سے چھٹے
پر فراغ الم سے نہ واں بھی ملا واں غم یہ ہوا کہ وہ ہم سے چھٹے
کبھی دیر میں تھے کسی بت پہ فدا کبھی کعبہ میں کرتے جا کے دعا
ترے کوچے میں بیٹھے تو خوب ہوا کہ کشاکش دیر و حرم سے چھٹے
یہی کہتی تھی لیلیٔ پردہ نشیں کہ فراق کی اب اسے تاب نہیں
ملوں اس سے میں تا مرا قیس خزیں غم ہجر کے درد و الم سے چھٹے
میں ہوا بھی جو بسمل تیغ جفا ولے باقی ہے دل میں ابھی یہ وفا
کہ یقیں ہے لہو مرا جائے حنا جو لگے تو نہ پاۓ صنم سے چھٹے
نہ ہو بستۂ چین کمند و رسن رہے بھاگتا ہے وہ بہ دشت ختن
تری چشم ہو اس پہ جو سایہ فگن کبھی پاے غزال نہ رم سے چھٹے
نہ کیوں شاکی ہوں بخت سیاہ سے ہم کہ وہ معدن شفقت و لطف و کرم
کرے نالۂ شوق جو ہم کو رقم تو سیاہی نہ نوک قلم سے چھٹے
مجھے رہ میں ملے تھے وہ باندھے کمر چلے جاتے تھے باغ کو وقت سحر
انہیں لاتا پکڑ مجھے کس کا تھا ڈر پہ فریب کے قول و قسم سے چھٹے
ہوئے خوف سے گوشہ گزین عسس گیا سینہ پلنگ فلک کا جھلس
شب ہجر میں یارو بغیر ہوسؔ مرے نالے جو شیر اجم سے چھٹے
مرزا محمد تقی ہوسؔ 
(608) ووٹ وصول ہوئے
Hue Aazim-e-mulk-e-adam Jo Hawas To KHushi Ye Hui Thi Ki Gham Se ChhuTe In Urdu By Famous Poet Mirza Mohammad Taqi Hawas. Hue Aazim-e-mulk-e-adam Jo Hawas To KHushi Ye Hui Thi Ki Gham Se ChhuTe is written by Mirza Mohammad Taqi Hawas. Enjoy reading Hue Aazim-e-mulk-e-adam Jo Hawas To KHushi Ye Hui Thi Ki Gham Se ChhuTe Poem on Inspiration for Students, Youth, Girls and Boys by Mirza Mohammad Taqi Hawas. Free Dowlonad Hue Aazim-e-mulk-e-adam Jo Hawas To KHushi Ye Hui Thi Ki Gham Se ChhuTe by Mirza Mohammad Taqi Hawas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends