نفس سگ پلید کو گر اپنے ماریے
نفس سگ پلید کو گر اپنے ماریے
مانند شیر دشت جہاں میں ڈکاریے
اس گل کو جوش گل میں یہ کہہ کر ابھاریے
گلشن میں عندلیب کو چل کر پکاریے
پھر مرغ دل کو پھانسیے پھر جال ماریے
پھر ہو سکے تو آپ سے گیسو سنواریے
پیری میں کیف عشق سے توبہ تو کیجیے
منزل رہی ہے تھوڑی سی ہمت نہ ہاریے
گرداب بحر عشق کے چکر ہیں رات دن
کون آشنائے حال ہے کس کو پکاریے
دل دے کے جور و ظلم کا شکوہ نہ کیجیے
دو دن کی زندگی کسی ڈھب سے گزاریے
اہل ہوس کی دہر میں مٹی خراب ہے
گلیوں میں خاک چھان رہی ہیں نیاریے
مانند زلف غیر کو کیوں سر چڑھائیے
آنکھوں سے شکل اشک کے اس کو اتارئیے
پیدا کریں اثر جو در اشک ناصحو
ان موتیوں پہ ہنس کو سو بار واریے
جز میرے دال آپ کی گلتی نہیں کہیں
یوں منہ سے جتنی چاہئے شیخی بگھاریے
نالہ جو زیر تیغ کیا میں نے جس گھڑی
بولے کہ ایک دم کے لئے دم نہ ماریے
توبہ شراب عشق سے کس طرح کیجیے
کیوں کر یہ جن چڑھا ہوا سر سے اتاریے
کیا کیا نہ دوست اپنے میان عدم گئے
کس کو تلاش کیجیے کس کو پکاریے
اس بت کے بحر حسن میں دل کو ڈبویے
اس کشتیٔ حیات کو یوں پار اتاریے
منظور ہو جو راحت کونین منتہیؔ
ہاتھوں کو کھیچ لیجئے پاؤں پساریے
مرزا مسیتابیگ منتہی 
(580) ووٹ وصول ہوئے
Nafs-e-sag-e-palid Ko Gar Apne Mariye In Urdu By Famous Poet Mirza Maseeta Beg Muntahi. Nafs-e-sag-e-palid Ko Gar Apne Mariye is written by Mirza Maseeta Beg Muntahi. Enjoy reading Nafs-e-sag-e-palid Ko Gar Apne Mariye Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Nafs-e-sag-e-palid Ko Gar Apne Mariye by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends