حسن کی دل میں مرے جلوہ گری رہتی ہے
حسن کی دل میں مرے جلوہ گری رہتی ہے
بند اس شیشۂ نازک میں پری رہتی ہے
دل وہاں کھلتا ہے جس جا کہ رہے جام شراب
دانہ واں اگتا ہے جس جا کہ تری رہتی ہے
طفلی و عہد جوانی کا نہ پوچھو احوال
بے خودی آگے تھی اب بے خبری رہتی ہے
باغ عالم میں نہیں دست کرم کو ہے زوال
شاخ یہ وہ ہے جو تا حشر ہری رہتی ہے
یاد میں جام و صراحی کے ترے اے ساقی
دل بھرا رہتا ہے آنکھوں میں تری رہتی ہے
مے و معشوق سے دولت سے بہار گل میں
چکھیاں رہتی ہے ہیں یاروں کی چری رہتی ہے
ہر گھڑی رہتا ہے خال رخ محبوب کا دھیان
آج کل سامنے کوتہ نظری رہتی ہے
بھیڑ سی بھیڑ لگی رہتی ہے کوچے میں ترے
جنس الفت کی مگر وہاں پہ کھری رہتی ہے
نقد دل لیتے ہو ہر ایک کا بے بوس و کنار
آپ کے دھیان میں کیا مفت بری رہتی ہے
ہاتھ پکڑا ہے مرا دست جنوں نے جب سے
ہر گھڑی مد نظر جامہ دری رہتی ہے
بال کھولے نہیں پھرتا ہے اگر وہ سفاک
پھر کہو کیوں مجھے آشفتہ سری رہتی ہے
رند واں بستے ہیں جس جا ہو خم و خمخانہ
شیر واں رہتے ہیں جس جا کہ تری رہتی ہے
مرزا مسیتابیگ منتہی 
(758) ووٹ وصول ہوئے
Husn Ki Dil Mein Mere Jalwagari Rahti Hai In Urdu By Famous Poet Mirza Maseeta Beg Muntahi. Husn Ki Dil Mein Mere Jalwagari Rahti Hai is written by Mirza Maseeta Beg Muntahi. Enjoy reading Husn Ki Dil Mein Mere Jalwagari Rahti Hai Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Husn Ki Dil Mein Mere Jalwagari Rahti Hai by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends