فغان و آہ سے پیدا کیا درد جدائی کو
فغان و آہ سے پیدا کیا درد جدائی کو
غضب میں جان کو ڈالا جتا کر آشنائی کو
مٹایا پاس رسوائی سے میری آشنائی کو
بچھاؤں آپ کی عصمت کو اوڑھوں پارسائی کو
نہ آیا بعد مردن بھی لحد پر فاتحہ پڑھنے
میں اتنا بھی نہ سمجھا تھا تری ناآشنائی کو
نہ دل اپنا ہوا اپنا نہ اک بت پر ہوا قابو
کریں گے یاد کیا ہم اے خدا تیرے خدائی کو
کسی محفل میں جس دم ذکر شمع طور ہوتا ہے
دکھا دیتے ہیں وہ جل کر سر انگشت حنائی کو
فقیر بے نوا اس کے در دولت کا ہے بندہ
غنیمت جانتے ہیں شاہ تک جس کی گدائی کو
اثر پیدا کرے گی آہ اپنی یار کے دل میں
نشانے تک خدا پہنچائے گا تیر ہوائی کو
کبھی ہے فکر دنیا کی کبھی عقبیٰ کا دھڑکا ہے
اتاروں جامۂ تن سے میں کیوں کر اس دلائی کو
گریباں ہاتھ آتا ہے نہ صحرا تک پہنچتا ہوں
خدا کے واسطے دیکھو مرے بے دست و پائی کو
فلک وہ تفرقہ پرواز عالم ہے دلا سر پر
غنیمت جانتا ہوں گور تک اپنی رسائی کو
شکستہ دل ہیں ہر دم ہر گھڑی ہیں جان کے لالے
کروں کیا نوش دارو کو میں کیا لوں موسیائی کو
تمنائے دلی نے منتہیؔ کھویا مشیخت کو
ملایا خاک میں دست ہوس نے میرزائی کو
مرزا مسیتابیگ منتہی 
(565) ووٹ وصول ہوئے
Fughan-o-ah Se Paida Kiya Dard-e-judai Ko In Urdu By Famous Poet Mirza Maseeta Beg Muntahi. Fughan-o-ah Se Paida Kiya Dard-e-judai Ko is written by Mirza Maseeta Beg Muntahi. Enjoy reading Fughan-o-ah Se Paida Kiya Dard-e-judai Ko Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Fughan-o-ah Se Paida Kiya Dard-e-judai Ko by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends