در پہ اس شوخ کے جب جا بیٹھا
در پہ اس شوخ کے جب جا بیٹھا
یار سب کہتے ہیں اچھا بیٹھا
خوبیٔ قسمت قاصد دیکھو
پاس اس شوخ کے کیا جا بیٹھا
ہے حباب لب دریا انساں
جب ذرا سر کو اٹھایا بیٹھا
ضعف پیری سے بنا نقش قدم
میں وہیں کا ہوا جس جا بیٹھا
صورت باد رہا سر گرداں
خاک کی طرح میں اٹھا بیٹھا
پاؤں پھولے جو ترے کوچے میں
کاٹ کے دست تمنا بیٹھا
بحر ہستی میں حبابوں کی طرح
سیکڑوں بار میں اٹھا بیٹھا
کب سے تیرا فلک شعبدہ باز
دیکھتا ہوں میں تماشا بیٹھا
سامنے کس کے جھکایا سر کو
کس لئے شیخ تو اٹھا بیٹھا
نہ تو نالہ ہے نہ افغاں اے دل
کس لئے چپ ہے اکیلا بیٹھا
خواب سیر چمن عالم ہے
کیا دل زار ہے پھولا بیٹھا
دامن دل پہ لگا داغ جنوں
ملک پر عشق کا سکہ بیٹھا
نقد دل تھا جو بضاعت میں مری
عشق میں اس کو بھی کھو کھا بیٹھا
جو گیا ملک عدم کون گیا
اس کے کوچے میں جو بیٹھا بیٹھا
دل کو ہے جذبۂ الفت شاید
بک رہا ہے جو اکیلا بیٹھا
چل بسے منتہیؔ سب یار ترے
تو یہاں کرتا ہے اب کیا بیٹھا
مرزا مسیتابیگ منتہی 
(796) ووٹ وصول ہوئے
Dar Pe Us ShoKH Ke Jab Ja BaiTha In Urdu By Famous Poet Mirza Maseeta Beg Muntahi. Dar Pe Us ShoKH Ke Jab Ja BaiTha is written by Mirza Maseeta Beg Muntahi. Enjoy reading Dar Pe Us ShoKH Ke Jab Ja BaiTha Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Dar Pe Us ShoKH Ke Jab Ja BaiTha by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends