دیر و حرم کو چھوڑ کے اے دل چل بیٹھو میخانے میں
دیر و حرم کو چھوڑ کے اے دل چل بیٹھو میخانے میں
خوب گزر جائے گی اپنی ساقی سے یارانے میں
سیر طبیعت ہو جائے گی نشہ جو ہے ہووے گا وہی
فرق نہیں ہے ساقی ہرگز چلو میں پیمانے میں
روح ہے جب تک جسم کے اندر جسم پہ میرے رونق ہے
کاشانہ آباد ہے جب تک بلبل ہے کاشانے میں
دست تمنا قطع ہوا برباد ہوئی ہے حرص و ہوا
زیست کی صورت اپنی بندھی اے نفس ترے مر جانے میں
سچ ہے دل کو اپنے بھی جز یاد صنم کچھ دھیان نہیں
دیکھ تو اے ناصح کیسی ہشیاری ہے دیوانے میں
فکر دنیا سے ہیں چھٹے اس رنج جہاں سے پائی نجات
لاکھ طرح کی راحت پائی اک اپنے مر جانے میں
پیش جنون بختہ اے دل موت تو زیست سے خوشتر ہے
شمع کے آگے رقص کناں تھا پروانہ جل جانے میں
حسن نیرنگ اس مہ رو کا دل حزیں میں رہتا ہے
چشم بینا ہو تو دیکھے بستی ہے ویرانے میں
نقش محبت کہیں نہ پایا لوح دل پر انساں کے
پھرا قلم کی صورت سے میں برسوں اک اک خانے میں
مرزا مسیتابیگ منتہی 
(549) ووٹ وصول ہوئے
Dair-o-haram Ko ChhoD Ke Ai Dil Chal BaiTho MaiKHane Mein In Urdu By Famous Poet Mirza Maseeta Beg Muntahi. Dair-o-haram Ko ChhoD Ke Ai Dil Chal BaiTho MaiKHane Mein is written by Mirza Maseeta Beg Muntahi. Enjoy reading Dair-o-haram Ko ChhoD Ke Ai Dil Chal BaiTho MaiKHane Mein Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Dair-o-haram Ko ChhoD Ke Ai Dil Chal BaiTho MaiKHane Mein by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends