Kare Hai Baada Tere Lab Se Kasb-e-rang-e-farogh
kare hai baada tere lab se kasb-e-rang-e-farogh
KHat-e-piyala sarasar nigah-e-gul-chin hai
kabhi to is dil-e-shorida ki bhi dad mile
ki ek umr se hasrat-parast-e-baalin hai
baja hai gar na sune nala-ha-e-bulbul-e-zar
ki gosh-e-gul nam-e-shabnam se pamba-agin hai
'asad' hai naza mein chal bewafa bara-e-KHuda
maqam-e-tark-e-hijab o wida-e-tamkin hai
Mirza Ghalib 
(1109) Peoples Rate This