Farigh Mujhe Na Jaan Ki Manind-e-subh-o-mehr
farigh mujhe na jaan ki manind-e-subh-o-mehr
hai dagh-e-ishq zinat-e-jeb-e-kafan hunuz
hai naz-e-muflisan zar-e-az-dast-rafta par
hun gul-farosh-e-shoKHi-e-dagh-e-kohan hunuz
mai-KHana-e-jigar mein yahan KHak bhi nahin
KHamyaza khinche hai but-e-be-dad-fan hunuz
jun jada sar-ba-ku-e-tamanna-e-be-dili
zanjir-e-pa hai rishta-e-hubbul-watan hunuz
Mirza Ghalib 
(1145) Peoples Rate This