Arz-e-naz-e-shoKHi-e-dandan Barae-KHanda Hai
arz-e-naz-e-shoKHi-e-dandan barae-KHanda hai
dawa-e-jamiyat-e-ahbab ja-e-KHanda hai
hai adam mein ghuncha mahw-e-ibrat-e-anjam-e-gul
yak-jahan zanu tammul dar-qafa-e-KHanda hai
kulfat-e-afsurdagi ko aish-e-betabi haram
warna dandan dar dil afshurdan bina-e-KHanda hai
shorish-e-baatin ke hain ahbab munkir warna yan
dil muhit-e-girya o lab aashna-e-KHanda hai
KHud-faroshi-ha-e-hasti bas-ki ja-e-KHanda hai
har shikast-e-qimat-e-dil mein sada-e-KHanda hai
naqsh-e-ibrat dar nazar ya naqd-e-ishrat dar bisat
do-jahan wusat ba-qadr-e-yak-faza-e-KHanda hai
ja-e-istihza hai ishrat-koshi-e-hasti 'asad'
subh o shabnam fursat-e-nashw-o-numa-e-KHanda hai
Mirza Ghalib 
(1045) Peoples Rate This