Aa Ki Meri Jaan Ko Qarar Nahin Hai
aa ki meri jaan ko qarar nahin hai
taqat-e-bedad-e-intizar nahin hai
dete hain jannat hayat-e-dahr ke badle
nashsha ba-andaza-e-KHumar nahin hai
girya nikale hai teri bazm se mujh ko
hae ki rone pe iKHtiyar nahin hai
hum se abas hai guman-e-ranjish-e-KHatir
KHak mein ushshaq ki ghubar nahin hai
dil se uTha lutf-e-jalwa-ha-e-maani
ghair-e-gul aaina-e-bahaar nahin hai
qatl ka mere kiya hai ahd to bare
wae agar ahd ustuwar nahin hai
tu ne qasam mai-kashi ki khai hai 'ghaalib'
teri qasam ka kuchh e'tibar nahin hai
Mirza Ghalib 
(987) Peoples Rate This