Tu Aashiqon Ke Tain Jab Se Qatl-e-naz Kiya
tu aashiqon ke tain jab se qatl-e-naz kiya
KHushi hain minnat-e-jaan se to be-niyaz kiya
kahan ki aql kidhar ke hawas kaisa hosh
KHirad ke qasr pe tu ne to tark-e-naz kiya
hamare kalba-e-ahzan mein kar qadam-ranja
nihaal hum ko tu ai sarw-e-sarfaraaz kiya
kiya tha tegha-e-abru ne muKHtasar qissa
pa teri kakul-e-mushkin ne phir daraaz kiya
dil aur laun kahan se lage jo auron se
jo ek dal tha so wo to teri niyaz kiya
ye tifl-e-ashk mera 'azfari' hai nashudani
jawana-marg meri us ne fash raaz kiya
Mirza Azfari 
(590) Peoples Rate This