KHizan Tanha Na Sair-e-bostan Ko Ja BigaD Aai
KHizan tanha na sair-e-bostan ko ja bigaD aai
saba bhi chal ke wan ai bulbulo phulon ko jhaD aai
shab-e-bimar ya kali bala ya raat kali hai
qayamat aai ya chhati pe ye hijran pahaD aai
jo aaya yar to tu ho chala ghash ai diwane dil
isi dam tujh ko marna tha bata kya tujh ko dhaD aai
masal hai bar-mahal ai 'azfari' jo ki gaya koi
hamari bar ko gul chhaD gae kanTon ki baD aai
Mirza Azfari 
(710) Peoples Rate This