Jaan Aa Bar Mein Ki Phir Kuchh Gham-o-waswas Nahin
jaan aa bar mein ki phir kuchh gham-o-waswas nahin
tu nahin pas to phir kuchh bhi mere pas nahin
tu jilawe to jiyun tu hi jo mare to marun
tujh siwa mujh ko to darain mein kuchh aas nahin
nam lene se tera main hun moattar hota
gul-e-jannat mein bhi sunte hain ki ye bas nahin
yaro hai 'azfari' urdu ki zaban ka waris
ahl-e-dehli hai wo bashinda-e-madras nahin
Mirza Azfari 
(568) Peoples Rate This