Mujh Soz Baad-e-marg Se Aagah Kaun Hai
mujh soz baad-e-marg se aagah kaun hai
sham-e-mazar mir ba-juz aah kaun hai
bekas hun muztarib hun musafir hun be-watan
duri-e-rah ban mere hamrah kaun hai
labrez jis ke husn se masjid hai aur dair
aisa buton ke beach wo allah kaun hai
rakhiyo qadam sambhal ke ki tu jaanta nahin
manind-e-naqsh-e-pa ye sar-e-rah kaun hai
aisa asir KHasta-jigar main suna nahin
har aah 'mir' jis ki hai jaan-kah kaun hai
Mir Taqi Mir 
(414) Peoples Rate This