Kya Din The We Ki Yan Bhi Dil Aarmida Tha
kya din the we ki yan bhi dil aarmida tha
ru-ashiyan tair-e-rang-parida tha
qasid jo wan se aaya to sharminda main hua
bechaara girya-nak gareban darida tha
ek waqt hum ko tha sar-e-girya ki dasht mein
jo KHar KHushk tha sau wo tufan rasida tha
jis said-gah-e-ishq mein yaron ka ji gaya
marg us shikar-gah ka shikar ramida tha
kori chashm kyun na ziyarat ko us ki aae
yusuf sa jis ko madd-e-nazar nur-dida tha
afsos marg sabr hai is waste ki wo
gul-ha-e-bagh ishrat-e-duniya nachida tha
mat puchh kis tarah se kaTi raat hijr ki
har nala meri jaan ko tegh kashida tha
hasil na puchh gulshan-e-mashhad ka bul-hawas
yan phal har ek daraKHt ka halq-e-burida tha
dil-e-be-qarar girya-e-KHunin tha raat 'mir'
aaya nazar to bismil dar-e-KHun tapida tha
Mir Taqi Mir 
(442) Peoples Rate This