KHub-ru Sab Ki Jaan Hote Hain
KHub-ru sab ki jaan hote hain
aarzu-e-jahan hote hain
gosha-e-diwar tak tu ja nale
us mein gul ko bhi kan hote hain
kabhu aate hain aap mein tujh bin
ghar mein hum mehman hote hain
dasht ke phuTe maqbaron pe na ja
rauze sab gulistan hote hain
harf-e-talKH un ke kya kahun main gharaz
KHub-ru bad-zaban hote hain
ghamza-e-chashm KHush-qadan-e-zamin
fitna-e-asman hote hain
kya raha hai mushaere mein ab
log kuchh jama aan hote hain
'mir'-o-'mirza-rafi' wa 'KHwaja-mir'
kitne ek ye jawan hote hain
Mir Taqi Mir 
(440) Peoples Rate This