Ho Aajiz Ki Jism Is Qadar Zor Se
ho aajiz ki jism is qadar zor se
na nikla kabhu uhda-e-mor se
bahut dur koi raha hai magar
ki fariyaad mein hai jaras shor se
meri KHak-e-tafta par ai abr-e-tar
qasam hai tujhe Tak baras zor se
tere dil-jale ko rakha jis ghaDi
dhuan sa uTha kuchh lab-e-gor se
na puchho ki be-e'tibari se main
hua us gali mein batar chor se
nahin sujhta kuchh jo us bin hamein
baghair us ke rahte hain hum kor se
jo ho 'mir' bhi is gali mein saba
bahut puchhiyo to meri or se
Mir Taqi Mir 
(473) Peoples Rate This