Aam Hukm-e-sharab Karta Hun
aam hukm-e-sharab karta hun
mohtasib ko kabab karta hun
Tuk to rah ai bina-e-hasti tu
tujh ko kaisa KHarab karta hun
bahas karta hun ho ke abjad-KHwan
kis qadar be-hisab karta hun
koi bujhti hai ye bhaDak mein abas
tishnagi par itab karta hun
sar talak aab-e-tegh mein hun gharq
ab tain aab aab karta hun
ji mein phirta hai 'mir' wo mere
jagta hun ki KHwab karta hun
Mir Taqi Mir 
(473) Peoples Rate This