Hua Dil Ka Haal Abtar Tujhe Yaad Karte Karte
hua dil ka haal abtar tujhe yaad karte karte
meri jaan nikal na jae kahin aah bharte bharte
meri aarzu-e-dil ko nai zindagi mili hai
ki abhi abhi bache hain mere KHwab marte marte
tujhe bhulne ki KHatir bhi hai ek umr lazim
kaTi ek umr meri tujhe yaad karte karte
hui maut jab muqabil mujhe tum hi yaad aae
rahe tum hi jaan-e-arman meri jaan marte marte
jo kisi ne mujh se puchhi meri aaKHiri tamanna
tera nam hi to aaya mere lab pe Darte Darte
ye tha kis ko ilm yaro ye bhala kise KHabar thi
koi ji uThega ek din tere gham mein marte marte
isi KHauf se ki tujh ko kahin bhul hi na jaun
tujhe yaad kar rahi hun use yaad karte karte
Minu Bakshi 
(500) Peoples Rate This