Kahin Jo Dil Na Lagawen To Phir Udas Phiren
kahin jo dil na lagawen to phir udas phiren
wagar lagawen to mushkil ki be-hawas phiren
hamein bhi howe ijazat ki shama-ru tujh par
patang ki namat ek dam tu aas-pas phiren
teri gali mein bhala itni to hamein ho rah
ki jab tak apna wahan ji ho be-hiras phiren
uTha de hum se jo baiThe houn ko ab ki falak
to aarzu hai ye ji mein ki be-qayas phiren
na KHat kisi ka paDhe hai 'hasan' na wo arzi
kahan talak liye hum apna iltimas phiren
Meer Hasan 
(441) Peoples Rate This