Zist Honi Tajjubaat Hai Ab
zist honi tajjubaat hai ab
mar hi jaana bas ek baat hai ab
daur mein tere hai wo kuchh andher
nahin malum din hai raat hai ab
dil hai zinda na ji hi jita hai
zindagi bad-tar-az-mamat hai ab
itne be-did be-shunid hue
na tawajjoh na iltifat hai ab
hijr kaisa visal ho bil-farz
kuchh hi surat ho mushkilat hai ab
ji hi lena ba-lutf hai manzur
is qadar jo tafazzulat hai ab
jite ji to raha visal muhaal
mar chuke par tawaqquat hai ab
kuchh na puchho 'asar' ki bechaini
na sukunat hai ne sabaat hai ab
Meer Asar 
(470) Peoples Rate This