Jo Ranj Nawishte Mein Hai Kyunkar Na Milega
jo ranj nawishte mein hai kyunkar na milega
likhwaenge nama to kabutar na milega
jis raat naqab us mah-e-kaamil ne ulaT di
taron ko nishan-e-mah-e-anwar na milega
abr-e-shab-e-furqat hai bandhe aansuon ka tar
is tarah ka waqt ai mizha-e-tar na milega
kahidgi-e-jism agar yun hi rahegi
hum ko bhi hamara tan-e-laghar na milega
insaf ko samjho KHizar-e-rah-e-hidayat
ai 'rashk' ab aisa koi rahbar na milega
Meer Ali Ausat Rashk 
(433) Peoples Rate This