Dil Mera Paemal Karte Hain
dil mera paemal karte hain
aap bhi bas kamal karte hain
baat hoti hai aap ki lekin
log mujh se sawal karte hain
mai-kade ke faqir ai saqi
kab kisi se sawal karte hain
dil ka kya gham hamein mohabbat mein
dil ki wo dekh-bhaal karte hain
mujh ko kahte hain log diwana
aap nahaq KHayal karte hain
choT lagti hai dil pe ai hamdam
jab watan ka KHayal karte hain
shukr kar shukr kar ki wo 'maikash'
tujh ko apna KHayal karte hain
Masood Maikash Muradabadi 
(442) Peoples Rate This