LuTa Diye The Kabhi Jo KHazane DhunDhte Hain
luTa diye the kabhi jo KHazane DhunDhte hain
nae zamane mein kuchh din purane DhunDhte hain
kabhi kabhi to ye lagta hai main wo lamha hun
ki ek zamane se jis ko zamane DhunDhte hain
kuchh ehtiyat bhi ab ke talab mein rakhna paDi
sau us ko aur kisi ke bahane DhunDhte hain
lapak ke aate hain sine ki samt tir aise
parind shaKH pe jaise Thikane DhunDhte hain
hamari sada-mizaji bhi kya qayamat hai
ki ab qafas hi mein hum aashiyane DhunDhte hain
Manzoor Hashmi 
(491) Peoples Rate This