Gagarin
mubarak tujhe o zamin ke musafir
zamin-o-zaman ki haden toD kar
aasmanon pe jaana
hawaon se aage KHalaon se aage
mah-o-kahkashan ki fazaon se aage
mubarak sitaron ki chilman haTana
sar-e-zulf-e-nahid ko chhu ke aana
dil-e-ibn-e-adam ki dhaDkan sunana
mubarak tujhe o zamin ke musafir
zamin-o-zaman ki haden toD kar
aasmanon pe jaana
Makhdoom Mohiuddin 
(309) Peoples Rate This