Usi Chaman Mein Chalen Jashn-e-yaad-e-yar Karen
usi chaman mein chalen jashn-e-yaad-e-yar karen
dilon ko chaak gareban ko tar-tar karen
shamim-e-pairahan-e-yar kya nisar karen
tujhi ko dil se laga len tujhi ko pyar karen
sunati phirti hain aankhen kahaniyan kya kya
ab aur kya kahen kis kis ko sogwar karen
uTho ki fursat-e-diwangi ghanimat hai
qafas ko le ke uDen gul ko ham-kanar karen
kaman-e-abru-e-KHuban ka bankpan hai ghazal
tamam raat ghazal gaen did-e-yar karen
Makhdoom Mohiuddin 
(390) Peoples Rate This