Ab Kahan Ja Ke Ye Samjhaen Ki Kya Hota Hai
ab kahan ja ke ye samjhaen ki kya hota hai
ek aansu jo sar-e-chashm-e-wafa hota hai
is guzargah mein is dasht mein ai jazba-e-ishq
juz tere kaun yahan aabla-pa hota hai
dil ki mehrab mein ek shama jali thi sar-e-sham
subh-dam matam-e-arbab-e-wafa hota hai
dip jalte hain dilon mein ki chita jalti hai
ab ki diwali mein dekhenge ki kya hota hai
jab barasti hai teri yaad ki rangin phuwar
phul khilte hain dar-e-mai-kada wa hota hai
Makhdoom Mohiuddin 
(425) Peoples Rate This