Humse Gumrah Zamane Ne Kahan Dekhe Hain
hum se gumrah zamane ne kahan dekhe hain
hum ne miTte hue qadmon ke nishan dekhe hain
aap ne dekh ke har ek ko nazar pheri hai
aap ne sahib-e-ehsas kahan dekhe hain
zindagi sidhi si ek rah nahin hai ai dost
is mein jo moD hain wo tu ne kahan dekhe hain
dil jahan larze umidon ka tasawwur kar ke
main ne ummid ke aasar wahan dekhe hain
uTh gai aankh agar meri to jam jaegi
aap ne dida-e-har-su-nigran dekhe hain
Mahshar Inayati 
(437) Peoples Rate This