Qarib Tha Ki Hararat Se Jal UTha Hota
qarib tha ki hararat se jal uTha hota
diya hatheli pe kuchh waqt agar ruka hota
banaya jata agar Tahniyon se pinjre ko
qafas mein kuchh to parindon ko aasra hota
tumhaare juDe mein hai is liye salamat hai
ye phul shaKH pe pazhmurda ho gaya hota
KHuda ka shukr ki nisbat qalam se hai warna
hamare hath bhi barud lag chuka hota
bilakta bachcha kahan bap se sambhalta hai
jo hoti man to use chup kara liya hota
tujhe lagi hi nahin ishq ki hawa 'tasir'
wagarna tujh mein koi aur bolta hota
Mahmood Taseer 
(735) Peoples Rate This