Muddaton Baad Wo Galiyan Wo Jharoke Dekhe
muddaton baad wo galiyan wo jharoke dekhe
jism ki rakh se uThte hue shoale dekhe
dil mein dar aain gai saaten KHushbu ban kar
sadiyon ki nind se phir jagte lamhe dekhe
rang barsati wahi subh wahi bhigti sham
wahi ehsas mein Dube hue sae dekhe
ek ek moD mile bichhDe KHayalon ke hujum
sune darwazon mein phir chand se chehre dekhe
ek ek aankh pe lamhon ka fusun tari hai
kaun us waqt ki diwar se aage dekhe
tah mein baste hain chamakte hue rangon ke nagar
koi is ghor andhere mein utar ke dekhe
'sham' jab toD liya us se tha jo bhi rishta
apne izhaar ke phir kitne hi raste dekhe
Mahmood Shaam 
(2134) Peoples Rate This