Wo Dil Bhi Hamara UDae Hue Hain
wo dil bhi hamara uDae hue hain
nigahen bhi hum se churae hue hain
jhukae hue hain ye nazren jo hum se
qayamat ke fitne uThae hue hain
gila hai mere shauq-e-jalwa ko un se
wo jalwe ko parda banae hue hain
mujhe aaj yun un ki yaad aa hi hai
mere ghar wo jaise KHud aae hue hain
KHudai pe hai is qadar naz jin ko
KHuda wo hamare banae hue hain
yaqin hi nahin aa raha 'barq' mujh ko
mere ghar mein wo aaj aae hue hain
Mahendra Singh Barq 
(434) Peoples Rate This