Haal Aisa Nahin Ki Tum Se Kahen
haal aisa nahin ki tum se kahen
ek jhagDa nahin ki tum se kahen
zer-e-lab aah bhi muhaal hui
dard itna nahin ki tum se kahen
tum zuleKHa nahin ki hum se kaho
hum masiha nahin ki tum se kahen
sab samajhte hain aur sab chup hain
koi kahta nahin ki tum se kahen
kis se puchhen ki wasl mein kya hai
hijr mein kya nahin ki tum se kahen
ab 'KHizan' ye bhi kah nahin sakte
tum ne puchha nahin ki tum se kahen
Mahboob Khizan 
(6381) Peoples Rate This