Hijr Ka Chand Dard Ki Naddi
hijr ka chand dard ki naddi
yahi surat hai apni duniya ki
regzaron mein sang khilte hain
jaise baghon mein shaKH shaKH kali
mera ghar hai ki 'mir'-sahib ka
uf ye honTon pe talKH talKH hansi
aa gaya mausam-e-zamistan kya
aag ki justuju mein raat kaTi
ku-ba-ku dar-ba-dar bhaTakte hue
dekh li aaj maut ki bhi gali
qufl honTon ka TuT kar hi raha
dil-e-afsurda raat bit chali
ek chalti hui ghazal par raat
'rahi'-e-gham-zada ne nazm kahi
M Kothiyavi Rahi 
(365) Peoples Rate This