BuDhi Kahani
jannat ki ujli chamkili dhup mein tap kar
main har bar nikhar jata hun
aur dharti par
sone ka ek garm badan le kar aata hun
is dharti ka zarra zarra
mere qadmon ki lazzat ko pahchane hai
chand ke chehre par ye dhabba
mere mazi ka shahid hai
ye buDhi kamzor hawaen
apni aankhen kho baiThi hain
phir bhi mujh ko chhu kar yaad dilati hain kuchh biti baaten
aur kahti hain
tum wo ho jo DheDh qadam mein
sari prithwi, saton sagar
langh gae the
Kumar Pashi 
(459) Peoples Rate This