Kuchh Itne Yaad Mazi Ke Fasane Hum Ko Aae Hain
kuchh itne yaad mazi ke fasane hum ko aae hain
ki jin rahon mein ujDe the unhi par lauT aae hain
baDa pyara hai wo gham jis ko tere chahne wale
zamane-bhar ki KHushiyon ke tasadduq mang lae hain
dahakta hai kaleje mein kasak ka koela ab tak
abhi tak dil ke baam-o-dar pe hijr o gham ke sae hain
hamein dekho hamare pas baiTho hum se kuchh sikho
hamin ne pyar manga tha hamin ne dagh pae hain
Kishwar Naheed 
(367) Peoples Rate This