Har Naqsh-e-pa Ko Manzil-e-jaan Manna PaDa
har naqsh-e-pa ko manzil-e-jaan manna paDa
muddat ke baad jab bhi tera samna paDa
aksar naqab-e-zabt hamein thamna paDa
jab bhi fasil-e-shab ko hamein phandna paDa
har bar bhulne ko ghamon ki aziyyaten
har rishta-e-umid naya bandhna paDa
har aarzu se hum ko mili taza zindagi
har aarzu ka hum ko lahu chaTna paDa
ki thi haram KHud-kushi mere KHuda ne kyun
be-wajh zindagi ka safar kaTna paDa
Kishwar Naheed 
(409) Peoples Rate This