Wo Mizha Marti KaTari Hai
wo mizha marti kaTari hai
chashm-e-baddur zaKHm kari hai
aankhen chamka gaya wo barq-asa
dil mera waqf-e-be-qarari hai
qais baad-e-saba hai bu laila
shaKH-e-gul nafe ki sawari hai
zulf tak go na pahuncha shana-war
hath ko par umid-wari hai
dil pe chaDhti nahin koi tadbir
meri taqdir wo utari hai
doston se hai un ki ayyari
aur aada se dost-dari hai
dam samajhta hai ai 'waqar' wo shoKH
meri do din se dam-shumari hai
Kishan Kumaar Waqaar 
(400) Peoples Rate This