KHud Ghalat Wo Qaul-o-feal Un Ka Ghalat
KHud ghalat wo qaul-o-feal un ka ghalat
KHat ghalat insha ghalat imla ghalat
ro diya sachche ne jhuTe ke huzur
jo sahih dar-ast tha Thahra ghalat
dair ki li rah masjid chhoD kar
aashiq-e-but kar gaya rasta ghalat
baat peshani ki pesh aati hai yar
ho na qismat ka kabhi likkha ghalat
KHat hai tuti aaina hai ru-e-yar
ai 'waqar' is mein nahin asla ghalat
Kishan Kumaar Waqaar 
(427) Peoples Rate This