Uske Kuche Sati Ghubar UTha
us ke kuche sati ghubar uTha
kaun sa wan se KHaksar uTha
andalibo basa lo ab sahra
bagh se mausam-e-bahaar uTha
hichkiyan le gulabiyan roen
bazm se jab ye mai-gusar uTha
azm ruKHsat hua jab hi us ka
mere dil se wahin qarar uTha
nahin jo qadr-e-ashk aalam se
motiyon ka magar waqar uTha
shama se soz 'amani' puchha tera
ek dhuan us ke dil se yar uTha
Khwaja Meer Amani 
(373) Peoples Rate This