Zindagi Aai Mujhko Ras Abhi
zindagi aai mujh ko ras abhi
KHud ko dekha hai kuchh udas abhi
log jo dur ja chuke hain bahut
un ki yaaden hain mere pas abhi
DhunDhti hai meri nazar un ko
wo jo baiThe the mere pas abhi
ai KHuda kar de shab ko aur siyah
hai gharibon ka ye libas abhi
wo na aaega jaanta hun magar
dil mein baqi hai thoDi aas abhi
lamha-e-zist aaKHiri hai magar
tere didar ki hai pyas abhi
Khan Rizwan 
(371) Peoples Rate This