Wo Aur Main
jab zamin ke pyase honT
bund bund ko tarse
us ki kokh ne jab bhi
sabz bachche janne ki aarzu mein lab khole
tab shafiq baadal ne
apni jaan ke amrit se
is zamin ke sine mein
qatra qatra ras ghola
be-badan daraDon se
zindagi uga Dali
han ye sab hua lekin
koi aa ke baadal se
sirf is qadar puchhe
teri pyas ka dozaKH
sard hai ki jalta hai
Khan Mohammad Khaleel 
(422) Peoples Rate This