Suno! Ab Hum Mohabbat Mein Bahut Aage Nikal Aae
suno! ab hum mohabbat mein bahut aage nikal aae
ki ek raste pe chalte chalte sau raste nikal aae
agarche kam na thi, chaaragaran-e-shahr ki pursish
magar! kuchh zaKHm-e-na-dida bahut gahre nikal aae
mohabbat ki to koi had, koi sarhad nahin hoti
hamare darmiyan ye fasle, kaise nikal aae
bahut din tak hisar-e-nashsha yaktai mein rakkha
phir is chehre ke andar bhi kai chehre nikal aae
purane zaKHm bharte hi, nae zaKHmon ke shaidai
mizaj-e-aina oDhe hue ghar se nikal aae
tazad-e-zat ke bais khula wo kam-suKHan aisa
adhuri baat ke mafhum bhi pure nikal aae
Khalid Moin 
(351) Peoples Rate This